அப்பம்.

அப்பம்.

மைதா ஒரு கப், வெல்லம் 3/4 கப், பழுத்த வாழைப்பழம் 1/2துண்டு,

ஏலம் பொடிசெய்தது சிறிதளவு,

எண்ணெய் பொரிக்க தேவையான அளவு

வெல்லத்தோடு சிறிது தண்ணீர் சேர்த்து, வெல்லத்தை கையால் நன்கு கரைத்துக் கொள்ளவும்.

பிறகு வாழைப்பழத்துண்டையும் சேர்த்து மசித்துக் கொள்ளவும்.

இதில் மைதா ஏலம் சேர்த்து இட்லி மாவு பதத்திற்குகரைத்துக்கொள்ளவும்.

வாணலியில் தேவையான அளவு எண்ணெய் விட்டு, எண்ணெய் காய்ந்ததும் ஒரு கரண்டியால் இந்த மாவை எடுத்து எண்ணெயில் இடவும்.

இரண்டு பக்கமும் திருப்பிப் போட்டு பொன்னிறமாக வந்தவுடன் எடுத்து விடவும்.

பார்த்தவுடனேயே நாக்கில் எச்சில் ஊறவைக்கும் அப்பம் நொடியில் ரெடி.

அவல் பாயசம்

அவல் பாயசம்.

பால் 7கப், அவல் 1கப், சர்க்கரை 2கப்,

முந்திரி, பாதாம் பருப்புகள் 8, ஏலப்பொடி அரை ஸ்பூன்

நெய் 6ஸ்பூன்.

பாலை நன்றாகக் காய்ச்சி, அதில், கல் நீக்கி கழுவிய அவலைச் சேர்த்து நன்றாக வேக வைக்கவும்.

பாதாம், முந்திரியை வறுத்து பொடி செய்து வைத்துக்கொள்ளவும்.

அவல் நன்றாக வெந்தவுடன், சர்க்கரை சேர்த்து நன்கு கிளறி அதனுடன் நெய், வறுத்துப் பொடி செய்துள்ள பாதாம், முந்திரி, ஏலப்பொடி சேர்த்து கிளரவும்.

சூடான சுவையான அவல் பாயாசம் நொடியில் சுவைக்கத் தயார்.

ரவை பாயாசம்.

ரவை பாயாசம்.

ரவை 200கிராம், சர்க்கரை 400 கிராம், பால் 200மி.லி.,

முந்திரி 10, ஏலம் 4,

நெய் 5ஸ்பூன்,

ரவையில் சிறிது நெய் சேர்த்து தண்ணீர் கலந்து சப்பாத்தி மாவு போல் செய்து கொள்ள வேண்டும்.

பிசைந்து வைத்த ரவை அரைமணி நேரம் ஊறினதும், ரவையை உருண்டைகளாக உருட்டி, கிள்ளி கிள்ளி போட்டு நிழலிலேயே காய வைக்க வேண்டும்.

வாணலி சூடான பின் சிறிது நெய் விட்டு முந்திரி பருப்பை வறுத்து எடுத்துக் கொள்ளவேண்டும்.

பிறகு நிழலில் காயவைத்த ரவை உருண்டைகளை நெய்யில் வறுத்து எடுத்துக் கொண்டு சிறிது நேரம் ஆறவிடவும்.

பிறகு கொதி தண்ணீரில் போட்டு எடுத்து, கொதித்த பாலில் உருண்டைகளை கலந்து, ஏலகாய் பொடி போட்டு, சர்க்கரை முந்திரி திராட்சை சேர்த்து நன்கு கலக்கி அருந்த சூப்பர் சுவையாக இருக்கும்.

சோளபாயாசம்.

சோளபாயாசம்.

சோள ரவை 1 கப், பாசிப்பருப்பு கால் கப், வெல்லம் அரைகப்,

பால் அரை லிட்டர், ஏலம் 2.

சோளரவையையும், பாசிப்பருப்பையும் தனித்தனியாக லேசாக வறுத்து வைக்கவும்.

ஒரு பாத்திரத்தில் 3 கப் தண்ணீர் ஊற்றி பாசிப்பருப்பை வேக வைக்கவும்.

பாதி வெந்த நிலையில் சோள ரவையை சேர்த்து வேகவிடவும்.

சோளரவை, பா.பருப்பு இரண்டும் வெந்தவுடன் வெல்லத்தையும், எலத்தையும் பொடிசெய்து சேர்க்கவும்

பிறகு நன்கு கிளறி சூடான பாலினைச் சேர்த்து கொதிக்க விட்டு சிறிது நேரம் கழித்து இறக்கிட,

வித்தியாசமான சுவையில் சத்தான பாயாசம் தயார்.

கோதுமை பாயாசம்

கோதுமை பாயாசம்

கோதுமை 250கிராம்(உடைந்தது)

வெல்லம் 500 கிராம்

தேங்காய் 2.

நெய் 4ஸ்பூன்

காய்ந்த திராட்சை, முந்திரி, சுக்குபொடி, சீரகப்பொடி தலா 10கிராம்

ஏலம் 5கிராம்

தேங்காயை துருவி அரைக்கப் சுடு தண்ணீர் சேர்த்து அரைக்கவும் இதை வடிகட்டி பாலை தனியாக எடுத்து வைத்துக் கொள்ளவும்.

பிறகு மீண்டும் இதே போல் இரண்டுமுறை சுடுதண்ணீர் சேர்த்து பாலை எடுத்து மூன்று பாலையும் தனித் தனிப்பாத்திரங்களில் வைக்கவும்.

கோதுமையை நெய்விட்டு வறுத்து ஒன்றரைக்கப் நீர் விட்டு வேகவிடவும்.

கோதுமை வெந்ததும் அதில் இரண்டாவது மற்றும் மூன்றாவது தேங்காய்பாலை சேர்த்து கொதிக்கவிடவும்.

கோதுமை கலவை சிறிது கெட்டியாகும் போது வெல்லத்தை பொடி செய்து சேர்க்கவும்.

வெல்லம் கரைந்து கெட்டியாகும் போது முதல் பாலைசேர்த்து அடுப்பை சிம்மில் வைத்து கொதிக்கவிடவும்.

இதில் முந்திரி, திராட்சை,வறுத்து சேர்க்கவும்.

பிறகு ஏலம் பொடிசெய்தது, சுக்குபொடி, சீரகப்பொடி சேர்த்து நன்கு கிளறி இறக்கவும்.

சுவீட்டான கோதுமை பாயாசம் சுவைக்கத் தயார்.