சப்ஜி

சப்ஜி

வெள்ளைபட்டாணி வேகவைத்தது 1/4 கப்

பூசணிக்காய் 1/2கிலோ

காய்ந்தமிளகாய் 2

இஞ்சிவிழுது 1ஸ்பூன்

கரம் மசாலா 2 ஸ்பூன்

வறுத்த உளுந்தம் பருப்பு 1ஸ்பூன்

கடலை பருப்பு 1 ஸ்பூன்

மிளகாய்தூள் 1ஸ்பூன்

சர்க்கரை சிறிதளவு,

சீரகப்பவுடர் 1ஸ்பூன்

மஞ்சள் தூள் 1/2 ஸ்பூன்

நெய் 1 ஸ்பூன்

எண்ணெய் 2ஸ்பூன்

மசாலா இலை 1

உப்பு தேவைக்கு

பூசணிக்காயை சிறு துண்டுகளாக நறுக்கிக் கொள்ளவும்.

வாணலி சூடானபின் எண்ணெய் ஊற்றி வறுத்த உளுந்தம் பருப்பு,மசாலா இலை, காய்ந்த மிளகாய்,இஞ்சிவிழுது,கடலை பருப்பு,   பூசணித்துண்டுகள் போட்டு நன்கு வதக்கிக் கொள்ளவும். 

பின்வேக வைத்த பட்டாணி,மஞ்சள் தூள், மிளகாய்த்தூள், சிறிதளவு சர்க்கரை, தேவையான உப்பு சேர்த்து நன்கு வதக்கிக் கொள்ளவும் 

தண்ணீர் சேர்த்து மூடி போட்டு வேக விடவும் . 

தண்ணீர் வற்றிய பிறகு, கரம் மசாலா, சீரகப் பவுடர், நெய் சேர்த்து நன்கு கிளறி இறக்கவும்.

இது நாண், சப்பாத்தி தோசை போன்றவற்றிற்கு தொட்டு சாப்பிட சுவையாக இருக்கும்.

கடப்பா

கடப்பா

பாசிபருப்பு 1/4கப்

உருளைக்கிழங்கு 1/4கிலோ

பச்சைமிளகாய் 6

தேங்காய் 4 கரண்டி

கசகசா 2 ஸ்பூன்

பொட்டுக்கடலை 2 ஸ்பூன்

தக்காளி 1

சோம்பு 1/2 ஸ்பூன்.

நீளவாக்கில் நறுக்கிய வெங்காயம் 1/4 கப்

கொண்டைக்கடலை/பச்சைப்ப்பட்டாணி 2ஸ்பூன்

உப்பு, பெருங்காயம் தேவைக்கு

பாசிப்பருப்பு, கொண்டைக்கடலை, உருளைக்கிழங்கை வேக வைக்கவும். 

வெந்ததும் உருளைக்கிழங்கை தோலுரித்து வைக்கவும்.

பச்சைமிளகாய், தேங்காய், கசகசா,  பொட்டுக்கடலை,  தக்காளி ஆகியவற்றை நைசாக அரைக்கவும்.

வாணலியல் எண்ணெய் ஊற்றி சோம்பு , பெருங்காயம் போட்டு தாளித்து, வெங்காயம் சேர்த்து வதக்கவும்.

பின் உருளைக்கிழங்கு, வேகவைத்த பாசிப்பருப்பு, அரைத்த விழுது அத்தனையும் சேர்த்து சிறிது தண்ணீர் ஊற்றி நன்கு வேகவிடவும். 

பச்சை வாசனை போனதும் உப்பு சேர்த்து கிளறி இறக்கவும்.  

தேவைப்பட்டால் எலுமிச்சை பழத்தை பிழிந்து விடலாம்.

சப்பாத்தி, பூரியுடன் சாப்பிட ஏற்றது.

புளியோதரை

புளியோதரை

 

தேவையானவை:

புளி -ஒரு பெரிய எலுமிச்சை அளவு

வற்றல் மிளகாய்-12

கடுகு, உளுந்தம்பருப்பு, கருவேப்பிலை, கடலைப்பருப்பு  தாளிக்கத் தேவையான அளவு. (இதில் கடலைப்பருப்பை மட்டும் சிறிதளவு தண்ணீரில் ஊறவைத்துப் பிறகு தாளிக்கும்போது சேர்த்து தாளிக்கலாம்.)

நல்லெண்ணெய்- தேவையான அளவு

பெருங்காயம், எள், வெந்தயம் ஒன்றரைத் தேக்கரண்டி.

 

செய்முறை:

முதலில் இரண்டரை டம்ளர் தண்ணீரில் புளியை ஊறவைத்துக்கொள்ளவும்.

எள்ளை சுத்தப்படுத்தி நன்றாக வறுத்துக் கொள்ளவும்.

வற்றல் மிளகாய் 4, வெந்தயம், பெருங்காயம் ஆகியவற்றை நன்கு வறுத்துக் கொள்ளவும்.

மிக்ஸியில்வறுத்த இந்த பொருட்களையெல்லாம் பொடியாக்கிக்கொள்ளவும்.

ஒரு வாணலியை அடுப்பில் வைத்து, அதில் தாளிக்கத் தேவையான எண்ணெய்யை ஊற்றி கடுகு, உளுந்தம்பருப்பு, கருவேப்பிலை, ஊறவைத்த கடலைப்பருப்பு ஆகியவற்றைச் சேர்த்து மீதம் உள்ள வற்றல் மிளகாயையும் சேர்த்து தாளிக்கவும். இதில் ஊறவைத்த புளிக்கரைசலை ஊற்றி நன்கு கொதிவந்ததும்

பொடி செய்த கலவையையும் உப்புயையும் சேர்த்து  நன்றாக கொதிக்க விட்டு கெட்டிக்கலவையாக வந்ததும் இறக்கிவிடவும்.

சாதத்தை உதிரியாக வடித்து சிறிது நல்லெண்ணெய் ஊற்றி கிளறி ஆறவிட்டு, பிறகு இந்த கலவையை சேர்த்து நன்கு கிளறி சிறிது நேரம் கழித்து, பிறகு சாப்பிட்டால் மிகச் சுவையாக இருக்கும்.

தேவைப்படுபவர்கள் தாளிக்கும்போது 10 முந்திரி பருப்பையும் சிவக்க வறுத்து சேர்க்கலாம்.

கொத்தமல்லி சாம்பார்

கொத்தமல்லி சாம்பார்:

 

தேவையான பொருட்கள்:

 

தேங்காய் அரை மூடி துறுவியது,

கொத்தமல்லி(தனியா) ஒரு கை அளவு,

பொட்டுக்கடலை ஒரு கை அளவு,

சிவப்பு மிளகாய்  8,

பெரியவெங்காயம் 3,

தக்காளி  3,

எண்ணெய்,கடுகு, உளுந்து, கருவேப்பிலை தாளிக்க தேவையான அளவு,

உப்பு தேவையான அளவு,

கொத்தமல்லித்தழை சிறிதளவு.

 

செய்முறை:

 

தேங்காய், மல்லி, பொட்டுக்கடலை, மிளகாய் ஆகியவற்றை நீர் விட்டு நன்கு மிருதுவாக அரைத்துக்கொள்ளவும்.

 

வானலியில் எண்ணெய் ஊற்றி கடுகு, உளுந்து, கருவேப்பிலை போட்டு தாளித்து, வெங்காயம், தக்காளி சேர்த்து நன்கு வதங்கியதும்

அரைத்த மசாலாவையும் சேர்த்து தேவையான அளவு நீர் விட்டு நன்கு கலக்கி கொதிக்க ஆரம்பித்தவுடன், கொத்தமல்லித்தழையைக் கிள்ளி போட்டு இறக்கவும்.

 

இது இட்லி, தோசை, சப்பாத்தி, எலுமிச்சை சாதத்திற்கு தொட்டு சாப்பிட ஏற்றது.

 

உருளைக்கிழங்கு பொரியல்/வறுவல்.

உருளைக்கிழங்கு பொரியல்/வறுவல்.

தேவையான பொருட்கள்:

உருளைக்கிழங்கு 4,

பெரியவெங்காயம் 3,

மஞ்சள் தூள் சிறிது,

மிளகாய்த்தூள் 2 ஸ்பூன்,

உப்புத்தூள் தேவையான அளவு,

கருவேப்பிலை, கடுகு,உளுந்து, எண்ணெய் தாளிக்கதேவையான அளவு.

கரம்மசாலாத்தூள் ஒரு ஸ்பூன்.

செய்முறை:

உருளைக்கிழங்கை முக்கால் பாகம் வேகவைத்து தோலுரித்து சிறு துண்டுகளாக நறுக்கி வைத்துக்கொள்ளவும்.

அதனுடன் மஞ்சள்தூள், மிளகாய்த்தூள், உப்புத்தூள் சேர்த்து நன்கு பிரட்டி வைத்துக்கொள்ளவேண்டும். 

வெங்காயத்தை சிறுதுண்டுகளாக நறுக்கி வைத்துக்கொள்ளவும்.

பிறகு வானலியில் எண்ணெய்விட்டு கடுகு போட்டு வெடித்ததும், உளுந்து, கருவேப்பிலை சேர்த்துத் தாளித்து, பிறகு நறுக்கி வைத்துள்ள வெங்காயத்தையும் சேர்த்து வதக்கி, வெங்காயம் நன்கு வதங்கியாதும்,  மிளகாய்த்தூள் சேர்த்து கலந்து வைத்துள்ள உருளைக்கிழங்கையும் போட்டு, கரம் மசாலாத்தூளையும் சேர்த்து பொன்னிறமாக வரும்வரை நன்கு வறுத்து எடுக்கவும். 

                                                                        **************************************

உருளைக்கிழங்கை வேகவைக்க நேரம் இல்லையென்றால் இதை வேறு முறையிலும் செய்யலாம்.

உருளைக்கிழங்கை நன்கு கழுவி தோலுரித்து சிறிது தடிமனாக வட்டவடிவில் நறுக்கி பின் அதை குச்சி வடிவில் நீளம்,நீளமாக வெட்டி எடுத்து வைத்துக் கொள்ளவும்.

நீளமாக நறுக்கிய உருளைக்கிழங்குடன் முன்பே கூறியதுபோல மஞ்சள்தூள், மிளகாய்த்தூள், உப்புத்தூள் சேர்த்து விரவி,

வானலியில் எண்ணெய்விட்டு கடுகு போட்டு வெடித்ததும்,

 உளுந்து,  கருவேப்பிலைசேர்த்து, பிறகு வெங்காயத்தைச்சேர்த்து வதக்கி, நீளமாக நறுக்கிய உருளைகிழங்கையும் போட்டு கரம்மசாலாத்தூள் சேர்த்து பொன்னிறமாக வரும்வரை வதக்கி எடுக்கவும்.

இரண்டுமுறையில் செய்யும் போதும் சிறு தீயில்(sim) வைத்து வதக்குவது நல்லது

[உருளைக்கிழங்கு ஃபிங்கர் சிப்ஸ்செய்வதாக இருந்தால் நீளமாக நறுக்கிய உருளைக்கிழங்கை அப்படியே எண்ணெயில் போட்டு பொறித்து எடுத்து பிறகு உப்புத்தூள், மிளகுத்தூளோ அல்லது மிளகாய்த்தூளோ சேர்த்து நன்கு விரவி விடவும்.]