பயத்தம் பருப்பு பாயாசம்.

பயத்தம் பருப்பு பாயாசம்.

பயத்தம் பருப்பு 1 கப், பால் 1/2 லிட்டர், ஜவ்வரிசி 1 கப், சர்க்கரை 2 கப் ,

முந்திரி, திராட்சை 10கிராம், ஏலக்காய் 3,

நெய் 2 ஸ்பூன்,

பயத்தம் பருப்பு , ஜவ்வரிசியை சுத்தமாக கழுவி, அரைமணி நேரம் ஊறவைத்து எடுத்துக் கொள்ளவும்.

ஒர் அடி கனமான அகல பாத்திரத்தில் தேவையான அளவு தண்ணீர் ஊற்றி,

கொதிக்கும் போது, பயத்தம் பருப்பு, ஜவ்வரிசி இரண்டையும் போட்டு மிதமான சூட்டில் கிளறிக்கொண்டே இருக்க வேண்டும்.

நன்றாக வெந்த பின், சர்க்கரை சேர்த்துக்கிளறவும்.

பாயாசம் பதம் வந்தவுடன் இறக்கி விடவும்.

வாணலியில் நெய் ஊற்றி, சூடானதும் முந்திரி, திராட்சை வறுத்து பாயசத்தில் போட்டு,

பின் ஏலம் பொடியையும் சேர்த்து நன்கு கிளறவும்.

ஒருபாத்திரத்தில் பாலை ஊற்றி நன்றாக கொதிக்க வைத்து, சிறிது ஆறிய பின் அந்த பாலை பாயாசத்தில் ஊற்றி, நன்கு கிளறி, டம்ளரில் ஊற்றி சிறிது நெய் சேர்த்து, குடிக்க, சுவையோ சுவை என்று கூறவைக்கும்.

இதில் ஜவ்வரிசி சேர்க்காமலும் செய்யலாம்.

அரிசி பாயாசம்.

அரிசி பாயாசம்.

பச்சரிசி கால் கப், சர்க்கரை 1க்ப், தேங்காய் அரைமூடி,

முந்திரி, திராட்சை தலா 10, ஏலம் 3,

நெய் சிறிது.

அரிசியை ஒரு மணி நேரம் ஊறவைக்கவும்.

தேங்காயை துருவி ஊறவைத்த அரிசியுடன் சேர்த்து நன்கு மாவு போல் அரைத்துக்கொள்ளவும்.

ஒரு பாத்திரத்தில் 6கப் நீர் ஊற்றி நன்கு கொதிக்கும் போது அரைத்த மாவையும் சேர்த்துக்கிளறிவிடவும்.

நன்கு கொதித்து வெந்தவுடன் சர்க்கரையை சேர்த்து கிளறவும்.

பிறகு, நெய்யில் வறுத்த முந்திரி, திராட்சை, ஏலம் சேர்க்கவும்.

இறக்கும்போது சிறிது நெய் விட்டு கிளறி இறக்கிடவும்.

சூடாக பறிமாற சூப்பர் சுவையாக இருக்கும்.

பால் பாயாசம்.

பால் பாயாசம்.

பால் 1/2 லிட்டர், சர்க்கரை 2கப், பச்சரிசி 1கப்,

முந்திரி பருப்பு 10, சாரப்பருப்பு 10, காய்ந்ததிராட்ச்சை 10, ஏலம் 5,

நெய் 2 ஸ்பூன்.

முதலில் பச்சரிசியை நெய்யில் வறுத்து மிக்சியில் பொடி செய்து தனியாக வைத்துக் கொள்ளவும்

பிறகு கனமான பாத்திரத்தில் பாலுடன் இரண்டுடம்ளர் நீர் சேர்த்து நன்கு கொதிக்க விடவும்.

அதனுடன் சுத்தமான சர்க்கரையைச் சேர்க்கவும்.

நெய்யில் வறுத்து மிக்சியில் பொடி செய்த பச்சரிசியை, பாலுடன் சேர்த்து, சிறிய தீயில் வைத்து வேக விடவும்.

வெந்து குழைந்து வரும்போது நெய்யில் வறுத்த முந்திரி, சாரப்பருப்பு, திராட்ச்சை சேர்க்கவும்.

ஏலக்காயை பொடி செய்து சேர்த்து நன்கு கிளற வாசனை ஊரை அழைக்கும்.

இதை சூடாகவோ, அல்லது பிரிஜ்ஜில் வைத்து குளிர்ந்த நிலையிலோ விருப்பம் போல் பருகலாம்.

குழந்தைகள் முதல் பெரியவர் வரை மீண்டும் மீண்டும் கேட்டு வாங்கி சாப்பிடுவார்கள்.

கொண்டைக் கடலை கறி.

கொண்டைக் கடலை கறி.

வெள்ளை கொண்டைகடலை 250கிராம்
தக்காளி 4, வெங்காயம் 1, இஞ்சி சிறுதுண்டு, பூண்டு 5 பல்,
மிளகாய் தூள் 1 ஸ்பூன், தனியாத்தூள் 3 ஸ்பூன், மஞ்சள் தூள் ஒரு சிட்டிகை அளவு,
கருவேப்பிலை, கடுகு தாளிக்க, உப்பு தேவைக்கு

முதல் நாளே கொண்டைக்கடலையை தேவையான தண்ணீர் ஊற்றி ஊற வைத்துக் கொள்ளவும்.

நன்றாக ஊறியவுடன் நீரை மட்டும் இறுத்துவிட்டு, கடலையுடன் உப்பு சேர்த்து வேகத் தேவையான நீர் ஊற்றி வேகவிடவும்.

வெங்காயம், தக்காளி,இஞ்சி, பூண்டு ஆகியவற்றை பொடியாக நறுக்கிக் கொள்ளவும்.

வாணலியில் கடுகு வெங்காயம், தக்காளி இஞ்சி, பூண்டு,ஆகியவற்றைப் போட்டு வதக்கி, அத்துடன் தனியத்தூள், மிளகாய்த்தூள்,மஞ்சள் தூள், கருவேப்பிலை சேர்த்து நன்கு வதக்கவும்.

வெங்காயம் தக்காளி நன்கு வதங்கியவுடன் நன்கு வெந்த கொண்டைக்கடலையைச் சேர்த்து தேவையான உப்பும் சேர்த்து நன்றாகக் கிளறி இறக்கவும்.

பூரி, சப்பாத்தி, தோசைக்கு தொட்டுக்கொள்ள நல்ல சுவையான ஒரு கறி .

தேங்காய் கொழுக்கட்டை

தேங்காய் கொழுக்கட்டை:

பச்சரிசி மாவு 5கப், (பச்சரிசியை ஊறவைத்து, உலர்த்தி, சிறிது ஈரப்பதத்துடன் மிஷினில் கொடுத்து அரைத்து வைத்துக் கொள்ளவும்.)
வெல்லம் கால் கிலோ,(தூளாக்கிக் கொள்ளவும்)
தேங்காய் துருவல் 1 கப்,
நெய் ஒரு ஸ்பூன், ஏலப்பொடி 1/2 ஸ்பூன்,
உப்பு தேவைப்பட்டால்.

வாணலியை சூடாக்கி தேவையான தண்ணீர் விட்டு தூளாக்கிய வெல்லத்தைப் போட்டு,
பாகு காய்ச்சி வடிகட்டி எடுத்துக் கொள்ளவும்.


வெல்லப் பாகு இளஞ்சூட்டுடன் இருக்கும் போதே பச்சரிசி மாவு, சிறிது உப்பு, தேங்காய் துருவல் , எலம் , நெய் சேர்த்து கிளறி கையினால் கொழுக்கட்டைகளாக பிடித்து
இட்லிபாத்திரத்தில் வைத்து ஆவியில் வேகவிட்டு, இறக்கி சூடாக பரிமாறவும்.

குழந்தைகளுக்கு மாலைவேளையில் கொடுக்க சிறந்த உணவு.